Goran iz Kraljeva rabotaje kako šofer avtobusa uže 20 lět. Každy den on sedi za volanom osem ili devet časov. Na pauzah on jel burek i pil kolu. Večerom on byl tako umorjeny, že tolko ležal pred televizorom. Za pet lět on potolstěl na 20 kilogramov.
Prošlu zimu on ne mogl iti po stepenicah na tretji etaž bez pauzy. Jego dočka Ana, ktora studuje medicinu, skazala: «Tata, ja se bojim za tebe. Trěba něčto izměniti.»
Goran rěšil počati s malymi izměnami. Najprvo on prestal piti kolu. Sejčas on pije vodu i nezaslađeny čaj. Na rabotu on nosi domašnju hranu: salat, pečenu kuru i ovoće. Burek on jě tolko v nedělju.
Potom on počal hoditi. Najprvo tolko 20 minut po večerji, potom 40 minut. Sejčas on ide pěšo na rabotu i nazad: tri kilometra v jednu stranu. V subotu on hodi s Anoju na planinu Stolovi blizko grada.
Bylo trudno. Prve tydnje on byl zly i gladny. Kolegi se smějali: «Goran jest na dietě!» Ale po šest měsecah on izgubil 12 kilogramov. On spi lěpše i ne jest umorjeny večerom.
Sejčas dva kolegi idut s nim na prohodku v subotu. «Ja jesm šofer, ale sejčas ja ljublju hoditi pěšo», govori Goran so směhom.