Ivan iz Zadra znaje Petru tolko dva měseca. V petok jest jej roždenny den, i on hotěl dati jej cvětja. Ale on ne znal, kake cvětja ona ljubi. Rože? Tulipany? Sunčnice? On ne hotěl ju pytati, zato že to byl sekret.
Prijateljka Petry, Lana, pomogla jemu: «Ona ljubi divje cvětja i žltu barvu. I ona ne ljubi črvene rože, ona govori, že to jest banalno.»
V četvrtok po rabotě Ivan pošel v maly magazin s cvětjami blizko Narodnogo trga. Cvětarka, stara i vesela gospa, pytala: «Za kogo jest buket?» Ivan pokrasněl: «Za moju děvojku. Ona imaje roždenny den.» «Ah, ljubov!» usměhnula se cvětarka.
Ona sostavila buket iz žltyh sunčnic, bělyh margaritok i malo lavande. Lavanda pahla kako lěto na Jadranu. Buket stoil 25 evro. Cvětarka takože dala jemu malu kartočku. Ivan napisal: «Srěćny roždenny den! Ivan.» Potom on dodal maly risunok srca.
V petok večerom on prišel k Petrě s buketom. Ona otvorila dveri i iznenadila se. «Sunčnice! Moje ljubime cvětja! Kako ty to znal?» Ivan se usměhnul: «Sekret.» Ale Lana, ktora stojala za Petroju, podmignula.