Klara i Adam iz Libereca živut v starom domu s velikym podrumom. Za deset lět v podrumu se sobralo mnogo věcij: stare igračky, knigi, lampy, velosiped bez kolesa, kutije s odeždoju i daže stary televizor. Jedin den Klara skazala: «Dosta! V subotu my čistimo podrum.»
Oni rabotali cely den. Někotore věci byli smetje, i oni jih odvezli na sběrny dvor. Ale mnogo věcij byli ješče dobre. Adam predlagal: «Možemo jih prodati na blošinom trgu!»
V nedělju v 6 časov jutrom oni pojehali na veliky blošiny trg pri staroj fabrikě. Oni zaplatili 200 kron za město i postavili stol. Na stol oni položili knigi, tarelky, lampy i igračky. Odeždu oni pověsili na stojak.
Prvi kupci prišli v sedm. Jedin stary gospodin dolgo gledal na stary radio iz 1970-yh lět. On pytal: «Koliko?» Adam skazal: «300 kron.» Gospodin ponudil 200. Oni se dogovorili na 250. Jedna mlada mama kupila kutiju s igračkami za svoje děti.
Do obeda oni prodali skoro vse. Oni zarabotali 3400 kron. Večerom oni pošli v restoran i imali dobru večerju. Ale v avtu ležala nova velika kutija: Adam kupil na trgu stary gramofon!