V subotu Jelena i Bojan iz Banje Luky pošli na večerju v popularny restoran pri rěkě Vrbas. Bylo vrlo mnogo ljudi, i vse stoly byli polne. Oni čekali dvadset minut, i potom dostali stol na terasě.
Kelner byl mlad i vrlo bystry, ale on imal mnogo stolov. Jelena zakazala rybu na grilu s kartofami i salatom, zato že ona ne jě meso. Bojan hotěl ćevapi s lukom i kajmakom. Za pitje oni vzeli vodu i domašnju limonadu.
Po pol časa kelner prinesl dvě tarelky. Ale na tarelkě Jeleny byla pljeskavica, ne ryba! I Bojan dostal ćevapi bez kajmaka.
Bojan zavolal kelnera. «Izvinite, to ne jest naš zakaz. Moja žena zakazala rybu.» Kelner pogledal v svoj notes i pobělěl. «O ne, ja jesm zaměnil stoly! Vrlo se izvinjam.» On bystro vzel tarelku.
Riba prišla po petnadset minutah. Bojan uže skoro završil svoje ćevapi. Ale ryba byla prekrasna: svěža i dobro začinjena. Na koncu kelner prinesl dva kusa kolača s orěhami. «Od kuhinje, za vašu trpělivost.»
Jelena i Bojan ostavili kelneru dobru napojnicu. «On imal trudny večer», skazala Jelena. «Greška može se dogoditi každomu.»