V prošlom měsecu Marta iz Lublina dostala novu rabotu v Vroclavu. Ona jest inženerka i ranše rabotala v malej firmě. Nova firma jest veliko bolša i plaća jest dobra. Ale Marta ne znala nikogo v Vroclavu.
Najprvo ona iskala stan. To ne bylo lehko. Stany v centru byli drage, a mnogo ljudi hotělo jih. Marta viděla pet stanov za dva dnja. Konečno ona našla maly stan s balkonom blizko rěky Odry. Najem jest visoky, ale do raboty ona ide pěšo dvadset minut.
V subotu jej brat Tomaš prijehal s velikym avtom. Oni nesli kutije, krovat i stol na tretji etaž. Lifta ne bylo! Večerom oni byli vrlo umorjeni i jeli pizzu na podu.
Prvy tydenj byl trudny. Marta se zabludila v tramvaju dva raza i ne znala, kde kupiti dobry hlěb. Ale kolegi v rabotě byli vrlo prijateljski. Jedna kolegynja, Kasja, pokazala jej stary grad i najlěpšu kavarnju.
Sejčas Marta žive v Vroclavu tri tydnja. Ona ješče ne zna grad dobro, ale ona jest srěćna. Večerom ona sedi na balkonu i gleda na rěku.